-- Advertisements --
Dinala ni Calvin Oftana ang TNT Tropang Giga matapos talunin ang Magnolia 103-100 sa nagpapatuloy na PBA Season 49 Commissioners’ Cup.
Mayroong kabuuang 42 points ang naitala ni Oftana habang mayroong 41 points at 13 rebounds si Rondae Hollis-Jefferson sa laro na ginanap sa Ninoy Aquino Stadium.
Nakontrol ng TNT ang huling bahagi ng laro kung saan mayroong 12 points ang naitala ni Hollis-Jefferson at nakuha ang kalamangan 89-77 sa pamamagitan ng kaniyang dunk.
Nasayang naman ang nagawang 27 points ni Ricardo Ratliffe habang mayroong tig-18 points naman ang nagawa nina Calvin Abueva, Mark Barroca at Jerom Lastimosa para sa Hotshots.
