-- Advertisements --
Nakapag-uwi na naman ang Pinoy Olympian na si Ernest John “EJ” Obiena ng gold medal sa katatapos na Taiwan Pole Vault Championships 2025.
Isinagawa ito sa Sun Moon Lake, Nantou, Taipei, kung saan nilahukan ng mga kinatawan ng iba’t-ibang bansa.
Ang tagumpay ni Obiena ay nasungkit kahit makapal ang fog sa lugar na halos mag-zero visibility.
Nabatid na nalampasan ni EJ ang kaniyang target sa men’s 5.50 meters.
Kasama ni EJ sa torneyo ang ilang Pinoy vaulters tulad ni Hokket Delos Santos na nagawang ma-clear ang 5.15 meters.
Sa kasalukuyan, si EJ ang may hawak ng world’s No. 4 rank.
