-- Advertisements --
Magbibigay ng dagdag na $50,000 fight bonuses ang ONE Championship sa mga fighters nito na magtatala ng magandang performance sa bawat laban nito.
Sinabi ni ONE Championship CEO Chatri Sityodtong na ang nasabing bonus ay magsisilbing incentives sa mga MMA fighters na gagawin ang lahat para matapos ang laban.
Noon pa man ay nagpamigay na sila ng $50-K bonus pero hindi sa kada event at ngayong taon ay ibibigay ito sa mga show.
Maging ang talunan na fighter ay makakakuha ng nasabing bonus kapag nakita ng mga judges na ibinigay nito ang lahat ng makakaya.
