-- Advertisements --
Naging matagumpay ang operasyon sa kaniyang braso ang actor na si Oyo Sotto matapos na ito ay maaksidente sa pagbibisekleta.
Sa kaniyang social media ay nagpost ito ng larawan matapos ang kaniyang Arthroscopic AC joint reconstruction surgery.
May caption ito ng pasasalamat sa Maykapal dahil sa hindi siya nito pinabayaan.
Pinasalamatan din nito ang asawang si Kristine Hermosa na nag-alaga sa kaniya habang nasa pagamutan.
Ikinasal ang dalawa noong 2011 matapos ang pagkakaroon ng relasyon ng mahigit isang taon at ngayon ay mayroon na silang limang anak na ang bunso nila ay isinilang noong Agosto 2021.
