Nadiskubre ng mga awtoridad ang mahigit P100 milyon na umano’y smuggled na produktong agrikultura sa magkahiwalay na operasyon sa Malabon at Maynila.
Sinalakay ng Bureau of Customs (BOC), Criminal Investigation and Detection Group (CIDG), at Philippine Coast Guard (PCG) ang isang cold storage facility sa Barangay Catmon, Malabon City at natagpuan ang mahigit 250,000 kilo ng sibuyas, bawang, munggo, at iba pang produktong pang-agrikultura na nakaimbak sa pasilidad.
Ayon sa Bureau of Customs (BOC), nakatanggap sila ng tip na ipinuslit ang mga produkto.
Hinihimok ng lider ng oposisyon ang gobyerno na tugunan ang smuggling para matigil ang pagtaas ng presyo ng sibuyas
Gayunpaman, sinabi ng Plant Manager ng pasilidad na si George Ong na ang pasilidad ay legal na nagpapatakbo at ang mga produkto ay lehitimong inangkat mula sa China.
Hindi pa man naipakita ang mga dokumentong magpapatunay na lehitimo ang mga produkto, minabuti na selyado ng mga awtoridad ang cold storage facility.
Binigyan ng labinlimang araw ang mga may-ari para patunayan na hindi smuggled ang mga produkto.
Ngunit kung mapapatunayang ipinuslit ang mga ani, kukumpiskahin ng mga awtoridad ang mga produktong pang-agrikultura.
Samantala, ni-raid din ng mga awtoridad at pansamantalang sinelyuhan ang isang storage facility sa Maynila na may mahigit P50 Milyong halaga ng mga produktong pang-agrikultura.
