P122.4-M na halaga ng shabu nasabat ng mga operatiba, suspek nakatakas

CEBU CITY – Hindi bababa sa 18 kilo na pakete sa shabu ang nasabat sa isinagawang anti-illegal drug operation ng Police Drug Enforcement Group Special Operations Unit (PDEG-SOU-7) sa Holy Family Road ng Barangay Busay, lungsod ng Cebu.

Base sa PDEG-SOU-7 na tinatayang nasa P122.4 million ang halaga sa nasabat na shabu ng mga operatiba.

Ngunit, nakatakas diumano ang suspek sakay ang isang motorsiklo at iniwan ang kanyang sasakyan sa nasabing lugar.

Wala ring makuhang impormasyon ang otoridad dahil walang plate number ang nasabing sasakyan.

Binigyang-diin ng pulisya na hindi pa nila mailabas ang kompletong impormasyon sa suspek dahil may isasagawa pa silang follow-up operation laban dito.