KORONADAL CITY – Tinatayang nasa 1,000 fully grown marijuana plants ang nabunot sa natunton na marijuana plantation sa bahagi ng Sitio Asmakul-Basag, Brgy. Sinapulan, Columbio, Sultan Kudarat.
Ito ang kinumpirma ni Kath Abad, tagapagsalita ng PDEA-12 sa panayam ng Bombo Radyo Koronadal.
Ayon kay Abad, ang nasabing mga marijuana ay katumbas na halagang P 2.2 million na nabunot ng mga operatiba katuwang ang Columbio PNP.
Nakilala ang mga marijuana cultivators na sina alyas Vincent Estrada at Virgel na nakatakas matapos matunugan ang paparating na operating team.
Napag-alaman na ini-report ng mga residente sa lugar ang kahina-hinalang galaw ng mga suspek kaya’t nagsagawa ng operasyon ang mga otoridad.
Agad naman na sinunog ang mga nabunot na marijuana upang hindi na mapakinabangan pa.
