-- Advertisements --
Aabot sa mahigit P2.5-milyon halaga ng pinaniniwalaang shabu ang nakumpiska ng mga kapulisan sa isinagawang drug buy bust operation ng mga kapulisan nitong Miyerkules ng gabi.
Kinilala ang naaresto na si John Edward Sayson, 25, isang mekaniko at residente ng Rocketfeller, Brgy. San Isidro, sa lungsod ng Makati.
Isinagawa ang buybust sa lugar kung saan matapos maiabot ng mga pulis ang pera ay agad na inaresto ang suspek.
Nakuha naman kay Sayson ang pitong sachet na may timbang na mahigit 375 grams na shabu na nagkakahalaga ng mahigit sa P2.5 milyon.
Inihahanda na ng mga otoridad ang kaso laban sa naarestong suspek.
