P2.7-M na halaga ng shabu, nasabat sa dalawang magkahiwalay na operasyon sa bayan ng Aloguinsan Cebu

ALOGUINSAN CEBU – Umabot sa P2.7M halaga ng iligal na droga ang nasabat sa magkahiwalay na buy bust operation kahapon, Hulyo 22, sa bayan ng Aloguinsan Cebu.

Ang nasabing operasyon ay may kaugnayan sa pagpatupad ng Simultaneous Anti-Criminality Law Enforcement Operations (SACLEO).

Nakilala ang mga naaresto na sina Eulaio Cabaluna Manguilimotan Jr at Ras Fernandez Manano.

Nakuha mula sa possession ng mga suspek ang tinatayang kabuuang timbang na 410.24 gramo ng shabu na may halagang na P2,789,632.00.

Nasa kustodiya na ngayon ng Aloguinsan Police Station custodial facility ang mga suspek habang nakabinbin ang pagsasampa ng kasong paglabag sa Republic Act 9165 o ang Comprehensive Dangerous Drugs Act of 2002.