Arestado ang isang drug suspek sa isinagawang buy bust operation ng mga tauhan ng Philippine Drug Enforcement Agency (PDEA) dakong alas-3:00 ng hapon nitong Biyernes sa may bahagi ng Soriano St, Brgy 656, Intramuros, Manila.
Kinilala ni PDEA spokesperson Derrick Carreon ang naarestong drug suspek na si Rohamin Surin, 24.
Sinasabing si Surin ay isang tricycle driver na nakatira sa Baseco compound sa port area Maynila.
Nasa 500 grams ng hinihinalang shabu na may market value na P3.4 million ang nakumpiska ng mga operatiba sa suspek.
Kasong paglabag sa Sec. 5 Art. II ng RA 9165 ang kakaharapin ni Surin.
Ayon kay Carreon, hindi titigil ang ahensiya sa pagtugis sa mga personalidad na sangkot sa illegal drug trade.
Noong isang araw, nasa P6.8 million na halaga rin ng iligal na droga ang nasabat naman ng PDEA sa Taguig City.
