Matagumpay na nakumpiska ng Pulisya ang mahigit P306k halaga ng Shabu sa isinagawang Buy-Bust operation sa Pirok Dama de Noche, Barangay Domoit, Lucena City, Quezon.
Kinilala ang suspect na si alyas Ryan, 38 anyos residente ng Purok Pansol, Barangay Bocohan.
Ayon sa Pulisya, ang suspect ay dati nang may kinakaharap na kaso na may kaugnayan sa Droga at talagang tulak na ito ng ipinagbabawal na gamot.
Si Ryan ay nahuli matapos na ireport ng ilang residente ang kanyang ginagawang aktibidad at kaagad namang inimbestigahan ng mga Pulis.
Nakuha sa kanya ang 15.04 grams of shabu, isang motorsiklo at mga pera.
Sa ngayon ay nasa kustodiya na ng Quezon Provincial Forensic Unit ang suspects para sa drug test at laboratory examination.
Mahaharap naman sa kaukulang kaso na may kinalaman sa ilegal na droga ang ihahain laban sa kanya.
