Ihahandog sa programa ng gobyerno ang mga nasabat ng Bureau of Customs (BOC) na smuggled rice na nagkakahalaga ng P42 milyon.
Inihayag ni Benny Lontok na ang mga na-forfeit na sako ng bigas ay inirekomenda na ihandog sa Kadiwa program o sa Department of Social Welfare and Development (DSWD).
Ani Lontok, ito ay batay sa pag-apruba ni Customs Commissioner Bienvenido Runo at Finance Secretary Benjamin Diokno.
Sa isang pahayag, sinabi ng Customs na naglabas ang BOC-Port of Zamboanga ng Order of Forfeiture, noong Setyembre 1, laban sa mga subject na sako ng bigas dahil sa paglabag sa Section 1113 (f) in relation to Section 117 of the Customs Modernization and Tariff Act of 2016 , ang Rice Tariffication Law, at ang Anti-Agricultural Smuggling Act of 2016.
Ang P42 milyon na halaga ng nasabat na bigas ay katumbas ng 42,180 na sako.
Nasamsam ang mga na-forfeit na sako ng bigas kasunod ng inspeksyon sa isang bodega sa Barangay San Jose Gusu matapos makatanggap ng impormasyon na mayroong smuggled na bigas.
Ayon sa BOC, napag-alaman sa imbentaryo ng subject warehouse ang 42,180 na sako ng Alas Jasmine Fragrant Rice.
Gayunpaman, sa pag-verify ng mga dokumentong isinumite at pagsisiyasat, napagpasyahan ng BOC na ang mga nakumpiskang produkto ay hindi sakop ng kinakailangang Sanitary and Phytosanitary Import Clearance (SPSIC) mula sa Bureau of Plant Industry.
Idinagdag ng BOC na may mga pagkakaiba sa pagitan ng aktwal na nasamsam na mga kalakal at kung ano ang idineklara sa mga dokumentong iniharap.
