-- Advertisements --
Aabot sa P500,000 halaga ng hinihinalang shabu ang nakumpiska ng mga kapulisan sa tatlong suspek sa isinagawang drug buy-bust operations sa Fairview, Quezon City nitong Miyerkules ng gabi.
Sinabi ni Police Lt. Col. Benjamin Gabriel, Quezon City Police District (QCPD) Station 5 na nakuha ang ang mga droga sa loob ng kotse na sinakyan ng mga suspek.
Dagdag pa nito na ilang linggo nilang minanmanan ang mga suspek bago ikinasa ang operasyon.
Mariing itinanggi naman ng mga suspek na pag-aari nila ang mga nakumpiskang droga.
