Tinatayang nasa P740,000 ang katumbas na halaga ng nasamsam na hinihilang shabu ng mga awtoridad sa kanilang ikinasang buy-bust operation sa Barangay NBBS Kaunlaran, Navotas City.
Arestado ang isang lalaki na kinilala ng mga miyembro ng Station Drug Enforcement Unit (SDEU) ng Navotas City bilang si Abdullah Pasandalan, 41 taong gulang, residente ng Port Area, Maynila.
Batay sa ulat ng Northern Police District (NPD), narekober mula sa suspek ang 103 grams ng hinihinalang shabu, asul na slingbag na may lamang maliit na timbangan, pack ng mga plastic bags, notebook, wallet na may lamang tatlong identification cards, at ang buy-bust money.
Kasalukuyan nang nakapiit ngayon sa himpilan ng pulisya ang naturang suspect at mahaharap sa kasong paglabag sa Republic Act 9165 o Comprehensive Dangerous Drugs Act of 2002.
