Kaabang-abang ang last day ngayong Huwebes ng NBA regular season na siyang magiging hudyat naman sa pagsisimula ng next round sa playoffs.
Una nang nakompleto ang papasok na mga team sa playoffs sa Western Conference na kinabibilangan ng Warriors, Spurs, Rockets, Clippers, Jazz, Thunder, Grizzlies at ang number 8 na Blazers.
Ang inaabangan sa Western Conference ay ang pagtukoy kung sino ang may homecourt advantage sa number 4 at number 5 na Los Angeles Clippers at Utah Jazz.
Samantala sa Eastern Conference naman, inaabangan ang kokompleto sa huling dalawang teams sa playoffs kung ito ba ay Indiana Pacers, Chicago Bulls at ang number 9 na Miami Heat.
Para sa mga basketball experts, pinapaburan nila na papasok ang Pacers at Bulls.
Sa kabilang dako naman mag-aagawan ang defending champions na Cleveland Cavaliers at Boston Celtics kung sino ang top seed at kung sino ang may homecourt advantage.
Matapos ito ay wala munang NBA games mula Biyernes hanggang Miyerkules sa susunod na linggo bago magsimula ang NBA playoffs.
Mga laro ngayong Huwebes:
Nuggets vs Thunder
Raptors vs Cavaliers
Nets vs Bulls
Hawks vs Pacers
Mavericks vs Grizzlies
76ers vs Knicks
Bucks vs Celtics
Timberwolves vs Rockets
Pistons vs Magic
Wizards vs Heat
Spurs vs Jazz
Lakers vs Warriors
Pelicans vs Trail Blazers
Kings vs Clippers
