-- Advertisements --

Pasok na sa 2025 Playoff ang Indiana Pacers.

Nakasungkit ang Pacers ng top-6 seed sa Eastern Conference matapos talunin ng Portland Trail Blazers ang Atlanta Hawks ngayong araw, Abril 2, sa score na 127 – 113.

Hawak ng Pacers ang 44 na panalo ngayong season habang nananatili sa 31 ang nalasap nitong pagkatalo.

Sa pagpasok ng Pacers sa 2025 playoffs, tangan nito ang record na 19-20 win-loss record sa mga larong isinagawa sa homecourt ng mga nakalaban nitong team.

Sa mga home games, hawak nito ang impresibong record na 25 – 11.

Sa nakalipas na sampung laro, nagawa nitong maipanalo ang anim habang apat naman ang nalasap na pagkatalo.