Muling dumanas ng pagkatalo ang Charlotte Hornets matapos itong tambakan ng Indiana Pacers ng 31 big points, 144 – 113.
Muling nagpakita ng magandang performance ang bagitong point guard na si Tyrese Haliburton na gumawa ng 19 pts at 13 assists. Nagawa ito ni Hali, sa loob lamang ng 28 mins na paglalaro.
Nagpasok naman ng 25 points ang shooter na si Buddy Hield, habang apat na bench player ang gumawa ng double-digit scores.
Hindi nakahanap ang Charlotte ng kasagutan sa impresibong performance ng Indiana sa kabila ng 25 points ni Terry Rozier at 21 points mula kay Brandon Miller.
Ginawa ng Pacers ang naturang performance sa pamamagitan ng 61.3% na field goal percentage. Maging sa 3-pt arc ay gumawa rin ang pacers ng 18 shots mula sa 39 attempts o katumbas ng 46.2%.
Tanging 8 3-pointers lamang ang nagawa ng Hornets na maisagot sa 18 treys ng Pacers.
Dahil sa pagkatalo ay umabot na sa 19 loss ang hawak ng Hornets habang nasa pito pa lamang ang nagawa nitong panalo.
Nasa 14 – 12 naman ang kartada ng Pacers.
