Pacio, idedepensa ang titulo vs Catalan sa ONE championship

Nakatakdang ipagtanggol ni Pinoy mixed martial arts fighter Joshua Pacio ang kaniyang ONE strawweight world title belt laban sa kapwa nitong Pinoy na si Rene Catalan.

Gaganapin ang pagharap ng dalawa sa ONE: Masters of Fate sa Nobyembre 8 sa Mall of Asia Arena.

Ang 23-anyos na si Pacio ay hinahangaan matapos mapatumba si Yosuke Saruta noong Abril habang si Catalan ay nasa pang-anim na diretsog panalo na ang huli ay ng talunin si Amarsanaa Tsogookhuu.

Magiging undercard naman sa laban sina dating ONE flyweight world champion Geje Eustaquio laban kay Toni Tauru.