Pacio, pinatumba ang Japanese fighter sa loob lamang ng 1-round

Pinatumba ni ONE Strawweght champion Joshua Pacio si Yosuke Saruta sa ONE: Revolution na ginanap sa Singapore.

Sa unang round pa lamang ay mabilis na hinawakan ng Team Lakay Fighter ang mga paa ng Japanese fighter hanggang sa ito ay matumba.

Sinubukan pang tumayo ni Saruta subalit sinalubong na ni Pacio ng magkakasunod na suntok hanggang itinigil na ng referee ang laban sa 3:38 minuto sa unang round.

Ito na ang pangatlong paghaharap ng dalawa.

Noong 2019 ng unang makuha ni Saruta ang split decision na panalo at matapos ang ilang buwan ay nakabawi si Pacio sa pamamagitan ng knockout.