-- Advertisements --
Kinantiyawan ni Filipino boxing champion Manny Pacquiao si US retired boxer Floyd Mayweather Jr. na gawing totoong laban na lamang at hindi lang exhibition kung sila ay maghaharap muli.
Ayon sa Filipino boxing champion, hindi siya papayag sa pahayag ni Mayweather na magsagawa sila ng exhibition dahil ito ay walang kuwenta.
Wala ring alam si Pacquiao kung ano ang motibong ito ng retired boxing champion at mas isinusulong nito ang exhibition.
Malaki naman ang hinala ng kampo ng eight division champion na sumasakay lamang si Mayweather sa kasikatan ni Pacquiao.
Nauna rito naglabas ng video sa kaniyang social media si Mayweather na nagsabing inaayos na nito ang exhibition fight nila ng Pinoy ring icon na gagawin sa Japan.
