-- Advertisements --
NAGA CITY- Patay na ng matagpuan ang isang padre de pamilya sa Brgy 2, Poblacion, Vinzons, Camarines Norte.
Kinilala ang isang lalaki na si “CESAR”, 55-anyos residente ng nasabing lugar.
Sa nakalap na impormasyon ng Bombo Radyo Naga sa Camarines Norte Police Provincial Office (CNPPO), napag-alaman na natagpuan nalamang ang biktima na wala ng buhay habang nakatali ang nylon na lubid sa kanyang leeg.
Base sa imbestigasyon, kinumpirma mismo ng pamilya ng biktima sa mga otoridad na kasalukuyan itong nakakaranas ng mental depression.
Sa ngayon hinihintay pa ng mga otoridad ang resulta ng isinagawang post mortem exam.
Habang nag papatuloy naman ang imbestigasyon ng mga otoridad hingil sa naturang insidente.
