Kasalukuyang naghihintay ng pag-apruba mula sa Malacañang ang PAG-IBIG Fund para ipatupad ang pagtaas ng buwanang kontribusyon mula sa kanilang mga miyembro.
Balak kasi ng Pag-IBIG na itaas ang mandatoryong kontribusyon mula P100 hanggang P200.
Sinabi ng government owned and controlled corporation (GOCC) na ang bagong pagtaas ay magdadala ng mahigit P38 bilyon sa pondo, na magbibigay-daan para sa karagdagang P1 Milyon sa housing loan nang walang pagtaas ng interes.
Bilang tugon, ang mga manggagawa sa minimum na sahod ay nagprotesta sa development na nabanggit.
Sa kabilang banda, ang Employers Confederation of the Philippines (ECOP) ay nagpahayag din ng suporta para sa pagtaas, na nagsasabi na ang karagdagang gastos ay isang “puhunan”.
Ayon sa government owned and controlled corporation, ang hakbang ay magbibigay-daan para sa mas maraming benepisyo para sa mga miyembro ng nasabing ahensya.
