Nakatakdang ganapin ngayong araw ang pagbabasbas ng mga replika ng Hesus Nazareno sa Quiapo, lungsod ng Maynila.
Kung saan nakapwesto ang pagbabasbas sa ilalim ng footbridge ng Quezon Boulevard kalapit sa simbahan ng Quiapo.
Kasabay ding babasbasan ang mga dala-dalang estandarte o banner ng mga grupong deboto ng Hesus Nazareno.
May isasagawa munang Novena Mass na pangungunahan mismo ni Papal Nuncio to the Philippines Archbishop Charles Brown bago ang naturang pagbabasbas.
Samanatala, hiwalay na idaraos sa ibang araw ang taunang prusisyon ng mga replika ng Nazareno sa distrito ng Quiapo.
Kaugnay pa rito, ang inaabangang dakilang kapistahan naman ng Hesus Nazareno sa simbahan ng Quiapo ay nalalapit na sa darating na Enero 9.
Magkakaroon ng tradisyunal na Traslacion na taunang dinadaluhan ng milyun-milyong mga debotong Katoliko.
