-- Advertisements --
Bumuhos ang pagbati kay Indian MMA fighter Arjan “Singh” Bhullar matapos talunin si Filipino-American fighter Brandon Vera sa ONE heavyweight title main event.
Nakuha ni Bhullar ang panalo sa loob lamang ng ikalawang round.
Sa unang round ay naging matindi ang labanan ng dalawa kung saan unang naka-puntos ng takedown si Bhullar sa pagtatapos ng unang round subalit nagawa pang bumangon si Vera para idepensa ang sarili.
Pagpasok kasi ng ikalawang round ay doon na inulan ni Bhullar ng mga suntok si Vera hanggang sa ito ay bumagsak at ng makita ng referee na hindi na kaya ni Vera na ipagtanggol ang kaniyang sarili kay ibinigay na ang panalo kay Bhullar.
