Nanguna si Filipino boxing champion Manny Pacquiao sa bumati kay Nonito Donaire matapos ang panalo nito kay Nordine Oubaali ng France para makuha ang WBC Bantamweight belt.
Sinabi ng fighting senator na bagay pa rin ang tawag kay Donaire bilang Filipino Flash dahil sa pagiging oldest WBC bantamweight champion.
Tulad din niya ay naging oldest boxer na makakuha ng WBA welterweight champion noong Hulyo 2019 ng talunin si Keith Thurman sa edad 40.
Ilan sa mga boksingero na nagpaabot ng kanilang pagbati ay sina Canelo Alvarez, dating world champion Andre Ward at Timothy Bradley.
Sinabi naman ni Donaire na ang edad ay numero lamang dahil maraming may mga may edad na ang nangunguna sa iba’t-ibang larangan.
Magugunitang pinabagsak ni Donaire ang kaniyang kalaban sa loob ng ikaapat na round.
