-- Advertisements --
Hindi na ikinagulat ng mga otoridad ang mga pahayag ng pamilya ng suspected Chinese spy ukol sa pagsasabing lehitimo ang trabaho ng banyaga.
Ayon kay Immigration Spokesperson Dana Sandoval sa panayam ng Bombo Radyo, normal na reaksyon ng pamilya na ipagtanggol ang kanilang mahal sa buhay.
Sa general observation aniya sa iba pang may kahalintulad na kaso, karaniwang hindi alam ng pamilya ang ginagawa ng isang sleeper agent.
Ang purpose din talaga ng isang spy ay magmukhang katulad ng mga tao sa kaniyang paligid.
Umiiwas din aniya ang mga ito na masangkot sa anumang gulo, upang hindi maging subject ng imbestigasyon.
Gayunman, hahayaan umano nilang gumulong ang imbestigasyon para mapanatili ang ating seguridad at maingatan ang soberanya.
