Bumaba ng 3.6% ang net external liability ng bansa mula P3 trillion noong first quarter ng 2024 patungong P2.9 trillion sa 2nd quarter 2024 dahil sa mas mataas na net external asset ng Bangko Sentral. Ngunit bahagyang pinigilan ito ng pagtaas ng net external liability.
Ang net financial liability ay tumaas ng 3.4% quarter-on-quarter patungong P10.2 trillion mula P9.9 trillion.
Ito ay dulot ng karagdagang pondo mula sa mga foreign source at pagbaba ng deposito ng sektor sa Bangko Sentral.
Ang net financial liability ng mga non-financial corporations ay lumawak ng 2.3% patungong P9.8 trillion mula P9.5 trillion, pangunahing dahil sa pagtaas ng utang sa mga depository corporations at pagbaba ng deposito sa mga bangko.
Ang net financial asset ng mga sambahayan ay tumaas ng 1.3% patungong P14 trillion mula P13.8 trillion dulot ng pagtaas ng deposito sa mga bangko at mga investment sa mga equity at investment fund shares.
Ang net financial asset ng ibang depository corporations ay tumaas ng 12.7% patungong P1.6 trillion mula P1.4 trillion, ngunit bumaba sa taon-taon na base dahil sa pagtaas ng deposit liabilities sa mga sambahayan.
Ang net financial asset ng Bangko Sentral ay lumawak ng 28.6 porsyento patungong P1.2 trillion mula P1 trillion dahil sa pagtaas ng investments sa mga debt securities ng mga dayuhan at deposito sa mga foreign banks.
