Buhos ang pagdadalamhati at pakikiramay ng mga tagahanga sa pagkamatay ng sikat na American singer-songwriter na si Keith Martin.
Isa ang Filipina R&B singer-songwriter na si Kyla sa mga hindi makapaniwala sa pagkawala ng sikat na 56-year-old na composer ng hit song na “Because of You” na isa rin sa mga kantang ni-revive niya sa kanyang album noong 2004.
Sa kanyang tweet ay nagpasalamat si Kyla dahil naging inspirasyon daw niya ang yumanong singer para sa kanyang pangarap.
Mag-isa na lamang ang singer sa kaniyang bahay matapos itong hiwalayan ng Pinay na kanyang kasintahan noong 2021.
Natagpuang patay sa kaniyang tinitirhang condo unit sa Quezon City ang American singer.
Kinumpirma ito ng kanyang kaibigan na singer-actress na si Sheree Bautista.
Sinasabing napag-alaman lamang ang insidente ng magreklamo ang mga kalapit ng condominium ng singer dahil sa hindi kaaya-ayang amoy mula doon.
Tinawag nila ang security guard at ng buksan ang unit ng singer ay doon na lamang lumantad ang bangkay nito.
Sa ngayon ay hindi pa rin nalalaman ng mga awtoridad ang dahilan ng kanyang pagkasawi.
