Nilinaw ng Malakanyang ang mga sinabi kamakailan ni Pangulong Rodrigo Duterte at itinanggi na sinibak niya si dating Environment Secretary Roy Cimatu.
Ito ay may kaugnayan sa sinabi ni Duterte sa isang talumpati nitong Huwebes na sinibak niya ang ilang miyembro ng Gabinete dahil sa isyu ng “reclamation projects sa harap ng Manila.”
Muling iginiit ni Acting Palace Spokesman Martin Andanar na nagbitiw si Cimatu noong Pebrero dahil sa kadahilanang pangkalusugan, at umalis siya nang maayos sa Pangulo dahil sa “matagumpay” na rehabilitasyon ng Boracay at Manila Bay.
Aniya, naglabas pa ng pahayag ang Office of the Presidential Spokesperson na nagnanais ng mabuting kalusugan sa dating DENR Secretary.
Nilinaw nito na walang katotohanan ang insinuation at/o tsismis ng pagkakasangkot niya sa katiwalian.
