-- Advertisements --
Nagtipon-tipon ang libu-libung mamamayan sa Gaza City at Palestinian teritorries para ipagbunyi ang ceasefire habang iwinawagayway ang kanilang watawat.
Ito ay kasunod nang pagdedeklara ng ceasefire ngayong araw sa pagitan ng Israel at Hamas matapos ang 11 araw na kaguluhan sa Gaza strip.
Ayon kay Hamas political bureau senior member Khalil al-Hayya nagtagumpay umano ang Hamas laban sa Israel at nangako para sa reconstruction ng mga nasirang kabahayan.
Pinuri naman ni Egyptian President el-Sisi ang diplomatic effort ng Estados Unidos dahil sa matagumpay na ceasefire initiative nito.
Sa kabuuan, aabot sa 232 Palestinians ang nasawi dahil sa pagpapaulan ng airstrike ng Israel habang 12 katao naman sa panig ng Israel.
