Seryosong tinitingnan ni Pangulong Ferdinand Marcos Jr ang personal at professional qualifications ng mga sundalo na dapat maiakyat sa mas mataas na puwesto.
Ito ang binigyang diin ni Executive Secretary Lucas Bersamin sa naging mensahe nito sa kinatawan ng Commander in Chief sa ginawang Change of Command Ceremony sa Armed Forces of the Philippines.
Sinabi ni Bersamin na bukod sa personal at professional qualifications, mahalagang mabigyang bigat din ang katapatan sa watawat ng bansa at konstitusyon.
Ito ay ayon sa executive secretary, ang laging paalala sa kanila ni Pangulong Marcos, pati na kay Special Assistant to the President Anton Lagdameo at sa iba pang nakatalaga sa Office of the President.
Ito ay ang bigyang halaga at prayoridad ang merit gayundin ang naibigay na sakripisyo sa paglilingkod sa bayan ng isang karapat- dapat na umakyat sa isang posisyon.
