-- Advertisements --

Umatras na sa paglahok sa Miss Universe Philippines 2025 ang pambato ng lalawigan ng Cebu na si Chella Falconer.

Sa social media account nito ay ibinahagi niya ang nasabing desisyon.

Sa loob aniya ng isang buwan ay naging kakaiba ang kaniyang karanasan sa pagsali sa Miss Universe Philippines 2025.

Naging personal aniya ang dahilan nito sa pag-atras sa nasabing pageant.

Itinanggi niya ang usapin na kaya siya umatras sa pagsali ay dahil sa sumali na ito sa Miss World Philippines.

Siya na ang pangalawang kandidata ng Miss Universe Philippines na umatras na ang una ay si Hannah Michelle Gilmore ng Los Angeles noon pang Pebrero.

Dahil dito ay nasa 67 kandidata na ang maghaharap sa Miss Universe Philippines na ang coronation night ay gaganapin sa Mayo 2 ng ala-6 ng gabi sa Mall of Asia Arena sa Pasay City.

Ang sinumang mananalo dito ay siyang pambato ng bansa sa Miss Universe 2025 pageant sa Nobyembre 21 na gaganapin sa Bangkok,Thailand.