ILOILO CITY- Pamilya at ang estado sa buhay ang naging inspirasyon ng Ilongga na rank #1 sa Fisheries Technologist Licensure Examination.
Ito ay si Jean Margaret Gelladuga Badong, graduate ng Iloilo State College of Fisheries-Barotac Nuevo at nakakuha ng rating na 86.25%.
Sa panayam ng Bombo Radyo kay Badong na tubong Brgy. Poblacion, Carles,sinabi nito na motibasyon niya sa pag-aaral ay ang mga magulang kung saan ang ama nito ay nasunog dahil sa aksidente dahilan kung bakit apektado ang kanilang pamumuhay samantang ang kanyang ina ay naglalako ng pagkain para kumita.
Ayon kay Badong, bago kumuha ng exam, halos hindi ito handa at hindi na siya umasang makakapasa.
Sa kabila nito, tinuturing niya na plano ito ng Diyos para sa kanya.
Napag-alaman na si Badong ay gumraduate bilang cum laude at scholar din ito ng Bureau of Fisheries and Aquatic Resources.
Napag-alaman na maliban kay Badong, rank #1 din si John Rey Fortu Rasgo na graduate naman ng University of the Philippines Visayas.
