KORONADAL CITY – Mariing kinondena ng pamilya at pulisya ang panibagong insidente ng pamamaril sa lungsod ng Midsayap na ikinasawi ng tatlong kalalakihan na mga payong-payong driver sa bahagi ng Poblacion 2, Midsayap, North Cotabato.
Sa panayam kay Police Lt. Col. Rolly Oranza, hepe ng Midsayap Muncipal Police Station, nagpapatuloy pa sa ngayon ang imbestigasyon sa nangyaring pamamaril upang matukoy ang motibo sa pagpaslang sa mga biktima.
Hustisya naman ang sigaw ng pamilya ng mga biktima ng pamamaril.
Sa ngayon ay nakatakdang tingnan ng imbestigador ang kuhang CCTV footage sa nangyaring ang pamamaril.
Matatandaan na pinagbabaril-patay ang mga biktima na sina Ryan Litoc Bano, 20 anyos may asawa, at residente ng Poblacion Datu Piang, Maguindanao, Nasrudin Mantikayan, 25, single, residente ng Barangay Damatulan, Midsayap at Taha Alimudin Dukay, 58, may asawa at residente ng Barangay Buayan, Datu Piang, Maguindanao.
Sa ngayon inaalam pa ang pagkakakilanlan sa mga armadong suspek na naka bonnet at sakay ng motorsiklo na agad tumakas matapos gawin ang krimen.
