-- Advertisements --
ILOILO CITY – Nagpasaklolo sa Bombo Radyo ang pamilya ng pulis na misteryosong pinaslang sa isinagawa umanong drug buy bust operation sa Abilay Sur, Oton, Iloilo.
Ang biktima ay si Police Corporal Felfrance Lumahang, 27, isang non-commissioned officer at nakadestino sa Provincial Drug Enforcement Unit sa Iloilo.
Sa eksklusibong panayam ng Bombo Radyo Iloilo kay alyas Inday, sinabi nito na hanggang sa ngayon, wala pa ring linaw kung paano napaslang ang kanyang kapatid.
Hindi rin umano nagtutugma ang pahayag ng Oton Municipal Police Station at ng Police Regional Office VI hinggil sa pagpaslang kay Lumahang.
Napag-alaman na si Lumahang ay nagtamo ng sugat sa dibdib ngunit walang nakasaksi sa insidente.
