Pampasabog, nakita sa bayan ng DOS sa Maguindanao Del Norte, pulisya inaalam ang dahilan sa pagkakalagay nito sa lugar

COTABATO CITY — Dalawang di pa sumasabog na granada o hand grenade ang nakita ng mga bata sa may bakanteng lote sa Barangay Tamontaka, bayan ng Datu Odin Sinsuat sa lalawigan ng Maguindanao Norte kahapon ng ala-una (1:00PM) ng hapon araw ng Miyerkules.

Ayon kay DOS Chief of Police Ltcol Sahibon Mamantal, isang bata ang nakakita sa mga nasabing pampasabog at agad nitong nireport sa isang miyembro ng tanod ang pagkakadiskubre.

Agad naman na ipinaabot sa pulisya ang pagkakadiskubre at agad itong nakipagugnayan sa Army EOD upang maisagawa ang kaukulang disposisyin.

Inaalam pa ng pulisya ng bayan kung saan nanggaling o ano ang dahilan sa pagkakadiskubre ng mga nasabing pampasabog.