Patuloy ang pagdami ng mga Democrats politicians ang nananawagan na dapat umatras na si US President Joe Biden sa pagtakbo muli sa halalan.
Ayon kay New York Democrats Rep. Pat Ryan na nakakaganda sa bansa ang tuluyan ng pag-atras ni Biden.
Marami kasi sa mga constituents nito ang nababahala sa kalusugan ng Pangulo lalo na ang kahinaan na ipinakita nito noong nagdaang debate nila ni dating US Pres. Donald Trump.
Isa rin na nababahala ay si Democratic Senator Richard Blumenthal kung saan natitiyak na ang pagkapanalo ni Trump na siyang panganib sa bansa.
Dagdag pa ng senador mula sa Connectitcut na mahalaga na magdesisyo na rin ang partido kahit na suportado pa rin nila si Biden.
Nanawagan naman ang beteranong Democratic politician at matagal ng kaalyado ni Biden na si Nancy Pelosi na mahalaga na magdesisyon na agad ang pangulo.
Magugunitang maging ang actor na si George Clooney ay nanawagan na umatras na si Biden.
Si Clooney ay naglunsad ng malawakang fundraising para sa reelection campaign ni Biden.
Nauna ng nanindigan si Biden na hindi ito aatras at kayang-kaya niyang tapusin at gampanan ang pagiging pangulo lalo na ang talunin si Trump.
