Pang-4 na eroplano na lulan ang mga evacuees nakaalis na sa Kabul

Matagumpay na nakaalis sa Kabul, Afghanistan ang panibagong chartered flight.

Ito na ang pang-apat na chartered flight mula ng umalis ang mga US forces sa Afghanistan isang buwan na ang nakakalipas.

Lulan ng Qatar airways ang 236 pasahero na kinabibilangan ng mga Afghans, Americans, Germans, Belgium, Canadian, France, Italy, Britain, Finland at the Netherlands.

Pansamantalang mananatili ang mga pasahero sa compound ng Doha, Qatar na siyang tirahan ngayon ng mga evacuees mula sa Afghanistan.