Pinuna ng Department of Foreign Affairs (DFA) ang Ukrainian envoy sa Malaysia na nagsabi sa media tungkol sa kahilingan ni Ukraine President Volodymyr Zelensky para sa isang “phone call’ kay Pangulong Ferdinand Marcos, Jr., at sinabing ang mga bagay na ito ay nakaayos na.
Sinabi ni DFA Undersecretary Carlos Sorreta na “kailangan nilang pag-usapan” ang kahilingan ng gobyerno ng Ukraine.
Dagdag pa ni Sorreta, hindi sila natuwa sa hakbang na ginawa ni Ukraine charges d’affaires sa Malaysia na si Denys Mykhailiuk para sa pagsasabi ng bagay na ito sa media.
Aniya, kailangan pa nila itong pag-uusapan at ayusin.
Nauna nang sinabi ni Mykhailiuk na ang kanyang gobyerno ay unang gumawa ng kahilingan para sa isang “phone call” upang pag-usapan ang bilateral cooperation noong si Marcos ay nahalal pa bilang pangulo at nag-follow up sa panig ng Pilipinas sa pamamagitan ng Department of Foreign Affairs (DFA) dalawang beses sa isang buwan.
Umaasa ang Ukraine na magiging co-sponsor ng Pilipinas ang planong pangkapayapaan na binalangkas ni Zelensky sa United Nations.
Nauna nang pinuna ni Marcos, Jr ang digmaan sa Ukraine, na sinasabing “hindi katanggap-tanggap.
