-- Advertisements --
NAGA CITY – Nakarekober na naman ng pinaniniwalaang cocaine sa karagatang sakop ng bayan ng Panukulan sa lalawigan ng Quezon.
Sa nakalap na impormasyon ng Bombo Radyo Naga mula sa Quezon Police Provincial Office (QPPO), nabatid na isang mangingisda na kinilala sa pangalang Allan Malballosa ang nakakuha ng isang package na nababalot ng black rubber sa karagatang sakop ng Barangay Matangkap.
Tinatayang aabot sa isang kilo umano ang timbang ng naturang package.
Matapos marekober, agad namang na-turn over ng naturang indibidwal ang package sa mga otoridad.
Kung maaalala nito lamang araw ng Sabado ng una nang makarekober ng isa pang package sa baybaying sakop ng Burgos, Quezon na positibo sa cocaine at nasa P6.8 million ang halaga.
