Muling inihain sa Kamara ang ang House Bill (HB) No. 13, na naglalayong lumikha ng Department of Disaster Resilience (DDR) upang mas maging mahusay pamahalaan ang disaster risk reduction at response efforts ng bansa.
Si Leyte 1st district Rep. Martin Romualdez at dalawa pang miyembro ng Kamara ang naghain ng nasabing panukala.
Batay sa explanatory note, napapanahon na para lumikha ng isang tunay na may kapangyarihang departamento na tutuon sa mga natural na panganib at sakuna, na nakabatay sa Science at ICT based approached at may kakayahang pangasiwaan ang tatlong key result areas gaya ng pagbabawas ng panganib sa kalamidad; paghahanda at pagtugon; and recovery, rehabilitation and building forward better.
Batay sa report, ang Pilipinas ngayon ang pangalawang bansa sa mundo ang pinaka-vulnerable sa pagbabago ng klima at mga sakuna, na may hanggang 19 na tropical storm ang pumapasok sa area of ​​responsibility nito, kung saan anim hanggang siyam sa mga ito ang nagla-landfall.
Nabatid na ang bagyong Haiyan o Yolanda, ang pinakamalakas na bagyo sa mundo na naitala, ay tumama sa bansa noong Nobyembre 2013, kung saan ang Eastern Visayas ang nagdusa ng pinakamaraming pinsala at marami ang namatay.
Ayon kay Romualdez, 74 porsiyento ng mga Pilipino at 80 porsiyento ng kalupaan ng bansa ay nalantad sa panganib ng mga natural na kalamidad.
Binigyang-diin din sa panukala na ang “new normal” na ito ay nangangailangan ng mas pokus at malalim na atensiyon sa paraan ng pag-unawa, paghahanda at pagtugon sa mga natural na sakuna.
Ang panukalang batas ay tumutukoy sa kapangyarihan, tungkulin at organisasyon ng nakaplanong bagong departamento, na pamumunuan ng isang kalihim, na tinutulungan ng apat na undersecretaries – isa para sa paghahanda at pagtugon sa sakuna, isa pa para sa pagbabawas ng panganib sa kalamidad, pangatlo para sa pagbawi at pagbuo ng mas mahusay na pasulong, at pang-apat para sa suporta sa mga operasyon.
Kabilang sa mga kapangyarihan ng departamento ay buuin at ipatupad ang isang pinagsama-sama at komprehensibong disaster risk reduction, preparedness at response management program.
Ang DDR bill ay inaprubahan sa ikatlong pagbasa ng huling Kongreso.
Ang panukalang batas ay nag-aatas sa mga LGU na maglaan ng hindi bababa sa limang porsyento ng taunang badyet bilang lokal na pondo para sa katatagan ng kalamidad.
Sa iminungkahing batas mahigpit na ipinagbabawal ang pagbebenta o maling paggamit ng mga relief goods, at maling paggamit ng mga pondo.
Ang ahensya ay magtatayo ng isang operations center, isang alternatibong command and control center at isang disaster resilience at training institute.
Binabalangkas din ng panukalang batas ang koordinasyon sa pagitan ng DDR at sa iba pang kinauukulang ahensya ng gobyerno at mga local government units (LGUs),at mga kaukulang yunit ay dapat palitan ang pangalan na mga local disaster resilience office.
