-- Advertisements --
CENTRAL MINDANAO- Patay on the spot ang isang lalake sa pamamaril dakong alas 8:55 kagabi sa Kidapawan City.
Nakilala ang biktima na si alyas John Rey, residente ng Brgy Singao Kidapawan City.
Ayon sa ulat ng pulisya, na sumakay ang biktima sa nakaparadang tricycle sa Quezon Boulevard ng lungsod habang may binili pa ang driver sa isang tindahan.
Ngunit bigla na lamang pinagbabaril ang biktima ng mga hindi kilalang suspek gamit ang kalibre.45 na pistola.
Patay on the spot ang biktima nang magtamo ng maraming tama ng bala sa ibat-ibang parte ng kanyang katawan.
Sa ngayon ay blangko pa ang mga otoridad sa motibo sa pamamaslang sa biktima at patuloy pa silang nag-iimbestiga.
