Sinuspinde ni Pangulong Ferdinand Marcos, Jr. ang trabaho at klase ng gobyerno sa mga pampublikong paaralan sa lahat ng antas sa Metro Manila at Bulacan para bigyang-daan ang pagbubukas ng seremonya ng FIBA Basketball World Cup 2023.
Sa paglagda ng Memorandum Circular No. 27, sinabi ni Executive Secretary Lucas Bersamin na ang pagsuspinde ay sa commitment ng pampublikong sektor tungo sa mas malawak na pakikilahok sa pagsulong at pagpapaunlad ng palakasan sa ating bansa.
Ang mga ahensya ng gobyerno na kabilang sa basic health services, disaster response, at iba pang mahahalagang serbisyo, gayunpaman, ay magpapatuloy sa kanilang mga operasyon at magbibigay ng mga kinakailangang serbisyo para sa publiko.
Dagdag dito, ang opening ceremonies para sa FIBA world cup ngayong taon ay gaganapin sa Philippine Arena sa Bocaue, Bulacan.
Nauna nang kinumpirma ng FIBA organizers na inimbitahan si Pang. Marcos Jr. na dumalo sa nasabing opening ceremonies.
Una na rito, ang FIBA World Cup ay magkakaroon ng tip-off sa Agosto 25, kung saan ang Gilas Pilipinas ay makakaharap sa laban ang Dominican Republic sa araw ng pagbubukas.
