Pasok sa lahat ng antas sa paaralan at maging sa government offices sa NCR suspendido

Sinuspendi ng Malacañang ang pasok sa lahat ng antas ng paaralan at opisina sa gobyerno sa National Capital Region (NCR) dahil sa nararanasan pag-ulan.

Ang nasabing anunsiyo ay base na rin sa rekomendasyon ng National Disaster Risk Reduction and Management Council.

Pirmado ni Undersecretary Ariel Nepomuceno, Executive Director ng NDRRMC at Administrator ng Office of the Civil Defense ang nasabing kautusan.

Tanging ang mga ahensiya na may trabahong magbibigay ng basic at health services ang may pasok.

Kasabay din nito ay sinuspendi rin ng Metropolitan Manila Development Authority (MMDA) ang Expanded Unified Vehicular Volume Reduction Program (UVVRP) o number coding.