-- Advertisements --
CENTRAL MINDANAO – Patay ang isang pastor sa nangyaring pamamaril sa probinsya ng Cotabato.
Nakilala ang biktima na si Pastor Ernesto “Tata” Estrella, 51, may asawa, pastor ng UCCP church at residente ng Brgy Malatab, Antipas, Cotabato.
Ayon sa ulat ng pulisya, habang sakay ang biktima sa kanyang minamanehong motorsiklo sa Brgy Poblacion, Antipas y bigla umano itong itong dinikitan ng riding in tandem suspects at pinagbabaril gamit ang kalibre .45 na pistola.
Mabilis namang tumakas ang mga suspek patungo sa liblib na lugar sa bayan ng Antipas.
Patay on the spot ang biktima nang magtamo ng tama ng bala sa ulo at likod.
Sa ngayon ay blangko pa ang mga otoridad sa motibo sa pagpaslang sa biktima at patuloy pa silang nag-iimbestiga.
