-- Advertisements --
ROXAS CITY – Na-rescue ng isang mangingisda ang isang pawikan sa Barangay Culasi, Roxas City.
Nabatid na habang naglalambat umano ang naturang mangingisda sa gitna ng dagat ay aksidenteng nahuli nito ang pawikang umaabot sa 30 kilo.
Mayroong sugat ang naturang pawikan sa kaniyang lalamunan matapos nakitang may bumaon ritong kalawit o fish hook.
Dahil dito ay dinala ng mangingisda ang pawikan sa dalampasigan upang magamot.
Ipinaabot na rin sa pamunuan ng Department of Environment and Natural Resources ang insidente para sa magiging disposisyon ng natagpuang pawikan.
