Inanunsiyo ng PBA ang dagdag na 10 bagong manlalaro para sa Greatest Player kasabay ng golden anibersaryo ng liga sa darating na Abril 9.
Nanguna sa aktibong manlalaro ay sina eight-time Most Valuable Player June Mar Fajardo at si Barangay Ginebra star Scottie Thompson.
Kabilang sa listahan ang mga dating PBA players na sina Abe King, Nelson Asaytono, Jeffrey Cariaso, Bong Hawkins, Arnie Tuadles, Danny Seigle, Manuel Victorino at Yoyoy Villamin.
Ang nasabing mga listahan ay napagdesisyunan na isama ng panel of judges na sina dating MVP Allan Caidic, Ramon Fernandez, Atoy Co, Dante Silverio, Sonny Barrios, Ding Marcelo, Al Mendoza, Nelson Beltran, Quinito Henson at Andy Jao.
Sinabi ni Sonny Barrios ang chairman ng committee, na sinimulan nila ang selection process kung saan bawat sa kanila ay nagsumite ng independent na listahan na nominado bago ang pag-evaluate ng bawat manlalaro.
