-- Advertisements --
Pinaghahandaan na ng Philippine Basketball Association (PBA) ang posibleng pagdami ng kaso ng Omicron coronavirus variant.
Sinabi ni PBA Commissioner Willie Marcial na kung anumang ang maging kautusan ng gobyerno na itigil ang mga pagkakaroon ng live audience sa kanilang laro ay kanilang susundin bilang pag-iingat na rin dahil sa mas mabilis na makahawa ang nasabing variant.
Handa aniya silang magpatupad ng semi-bubble o bubble type.
Nagawa na rin aniya nila ito noong unang manalasa ang COVID-19 sa bansa noong Marso 2020 kung saan natigil ang mga laro at matapos ang ilang buwan ay nagpatupad sila ng bubble type na mga laro.
