Ipinag-utos ni Pangulong Ferdinand Marcos Jr sa Regional Tripartite Wages and Productivity Board na repasuhin ang sahod ng mga manggagawa.
Ayon kay Palace Press Officer USec. Claire Castro mayruon ng isinasagawang pagre-review sa labing-anim na rehiyon habang may ilang rehiyon na rin ang nagtaas ng sweldo.
Ipinaliwanag naman ni Castro na sa usapin ng umento sa sahod ay kailangang parehong pakinggan ang employers at mga empleyado para makapagbigay ng rasonableng sweldo.
Ginawa ng Palasyo ang pahayag sa harap ng panawagan ng Trade Union Congress of the Philippines na i-certify as urgent ang panukalang P200 legislated wage hike.
Ayon kay Castro, sa ngayon ay wala pang tugon dito si Pang. Marcos.
Sa halip, pinamamadali anya nito ang utos sa regional wage boards na pag-aralan ang sahod ng mga manggagawa.
