-- Advertisements --
Itinalaga ni Pangulong Ferdinand Marcos Jr., bilang bagong PDEA Director General si Isagani Nerez, kapalit ni PDEA Chief Virgilio Moro Lazo.
Ang pagkakatalaga kay Nerez ay kinumpirma ni Executive Secretary Lucas Bersamin.
Si Retired General Isagani Nerez ay miyembro ng PMA Class 1984.
Si Nerez ay una nang itinalaga bilang usec for police affairs ng office of the presidential adviser for military affairs o OPAMA.
Siya ay isang abogado at nagsilbi bilang Police Anti-Crime Emergency Response, Directorate for Integrated Police Operations sa Eastern Mindanao, Special Action Force, Presidential Anti-Organized Crime Task Force, at Anti-Kidnapping Group.
